Sinturon, uniform, iba pang gamit | P16 BILYON GASTOS SA ROTC

MANGANGAILANGAN ng P16 bilyon pondo ang gobyerno para mapondohan ang mandatory Reserve Officers’ Training Corps (ROTC) para sa mga senior high school.

Ayon kay Puwersa ng Bayaning Atleta (PBA) Partylist Rep. Jericho Nograles, may apat na milyong Grades 11 at 12 na mag-aaral sa senior high school na maaapektuhan ng mandatory ROTC.

Kailangan umano ng mga estudyante ng maayos na sinturon, uniporme at iba pang kagamitan para sa nasabing training.

Kaugnay nito, tinatayang nagkakahalagang P4,000 ang bawat uniporme para sa isang estudyante.

Matatandaang, si Nograles ang nagpanukala sa Kamara na gawing mandatory ang ROTC para sa mga senior high student sa pampubliko at pribadong paaralan. Aniya, ang ROTC ay paghahanda para sa depensa ng bansa. Kulang umano ang nasa 70,000 reserves at 120,000 sundalo para depensahan ang Pilipinas.