RIDER AT LOLO, TEPOK SA AKSIDENTE
- Pabs Hernandez III
- Aug 24, 2019
- 1 min read
SOUTH COTABATO—Isang rider at 72-anyos na lolo ang namatay sa naganap na aksidente kamakalawa sa Bgy. Saravia, Koronadal City.
Kinilala ang mga nasawi na sina Datu Omar Sambuto, driver ng motorsiklo at Rolando Bungan, na kapwa nakatira sa nasabing lalawigan.
Ayon sa ulat, mabilis umano ang takbo ng motorsiklong minamaneho ni Sambuto kaya nabangga nito ang tumatawid sa kalsada na si Bungan.
Kaagad dinala ng mga saksi sina Sambuto at Bungan sa ospital, pero kapwa sila idineklarang dead-on-arrival.
Comments