Cyber-libel kay Tulfo, P20-m moral damages - BIR Chief

SINAMPAHAN ng mga kasong libel si Special Envoy for Public Diplomacy to China at newspaper columnist na si Ramon Tulfo.

Ito ay may kaugnayan sa umano’y false, reckless at defamatory alegasyon nito na inilabas sa kanyang mga serye ng kolum sa The Manila Times, na nakaapekto sa buong Bureau of Internal Revenue officials, partikular kay BIR Chief Caesar Dulay.

Kinilala ang mga akusado na kinasuhan ng three counts of libel at pitong bilang ng cyber-libel sa Quezon City Prosecutor’s Office na sina Times President at CEO Dante F.M. Ang 2nd, mga editor na sina Rene Bas, Blanca Mercado, Nerilyn Tenorio, Leena Chua, Arnold Belleza at Lynette Luna.

Kaugnay nito, humihingi si Dulay ng P20 million moral damages na nakatakdang i-donate sa L’Arche (Ang Arko ng Pilipinas, Inc.), isang komunidad na nakatuon sa pag-aalaga sa mga mentally-handicapped children.

Igniit ni Dulay na naglalaman ang kolum ng “malicious, sweeping at unfounded accusations na nakaaapekto sa kanyang pinamunuan bilang BIR Commissioner. Reklamo pa ni Dulay, bukod sa paglalathala sa print, ipinalabas pa ng The Manila Times ang nasabing topic sa website at dinampot din ng kanilang social media accounts, kabilang ang Facebook.

Sinabi ni Dulay na ang paglalabas ng tatlong opinion articles ay malinaw na “undoubtedly false and defamatory”.