Base sa birthday at zodiac sign... MISIS NA IPINAGPALIT NG MISTER SA KABIT, MAKAPAG-AASAWA NA SA ABR

Maestro Honorio Ong

Dear Maestro,

Nambabae ang mister ko nang mag-OFW ako sa Hong Kong noong 2017 kaya nagkahiwalay kami at ang nangyari ay tu­lu­yan na siyang sumama sa kerida niya.

Sa ngayon, dito ako na­kikitira sa mga magu­lang ko. Itatanong ko lang kung magkakabalikan pa ba kami ng mister ko at kung hindi na, may lalaki pa ka­yang darating sa bu­hay ko kahit may da­lawa na akong anak?

Balak kong mag-ab­road muli, may ikalawang pag-a-abroad ba sa aking kapalaran, kung mayroon, kailan kaya ito mangya­yari?

September 10, 1977 ang birthday ko.

Umaasa,

Roma ng San Jose, Licab, Nueva Ecija

Dear Roma,

Ayon sa zodiac sign mong Virgo, sa birth date na 1, (ang 10 ay 1+0=1) sa des­tiny number 7 (9+10+ 1977 =1996/ 19+96=115/ 11+5= 16/ 1+6=7) sadyang may ika­lawa at mas ma­bu­ngang pangingibang-bansang itatala sa iyong kapalaran at ito ay inaasahang magaganap nga­yong 2019 o kaya ay sa taong 2020, sa buwan ng Set­yembre hanggang Nobyem­bre, kaya kung mag-a-apply ka ngayon sa abroad, sigu­rado ang magaganap – may ikalawang mas mabunga at mabiyayang pangingibang-bansang itatala sa iyong ka­palaran.

Kung saan ang destiny number mo namang 7 ay nag­sasabi ring muli kang makapag-aasawa sa ikala­wang pagkakataon at ang nasabing pag-aasawa ay ha­tid ng lalaking isinilang sa zodiac sign na Libra o kaya ay Taurus kung saan ang lalaking ito ay makikilala mo sa pangingibang-bansa at sa ikalawang pag-aasawang nabanggit, tuluyan ka nang uunlad at habambuhay na magiging maligaya.