Tatay hinataw ng sagwan, dedbol

PINAGPAPALO hang­gang sa mapatay ng kanyang sariling anak ang 53-anyos na lalaki nang awatin sa paki­kipag-away nito sa kanyang ina sa Bgy. Old Balara, Que­zon City.

Kinilala ni Police Lieute­nant Nick Fontanilla ang biktima na si Deomedes Gora Pines, construction worker at resi­dente ng Lu­zon Avenue. Naaresto naman ang suspek na si Dominic Vin­luan Pines, 24, binata.

Batay sa inisyal na im­bestigasyon, alas-6:00 ka­maka­lawa ng gabi nang mangyari ang insidente sa bahay ng mag-amang Pines.

Bago ang pagkakapas­lang, nag-aaway umano ang bik­tima at ang misis nitong si Mona sa harap ng kanilang bahay. Nang marinig ng sus­pek ang pagtatalo ng kan­yang mga magulang ay lumabas ito ng bahay at sinubukang awatin ang dalawa.

Gayunman, sa halip na magpaawat ang ama ay na­galit pa umano ito sa kan­yang anak at hinampas ng payong na siyang ikinagalit ng suspek. Dahil dito, kumuha ang suspek ng kahoy na sagwan at hinataw sa ulo ang kan­yang ama na duguang bu­mag­sak.

Naisugod pa sa East Ave­nue Medical Center ang naka­tatandang Pines subalit, namatay din dahil sa tina­mong matinding sugat sa ulo.