Nilapitan ng 2 lalaki tumangging magbigay ng pera | KELOT SINAKSAK

MALUBHANG nasu­gatan ang isang lalaki ma­tapos saksakin ng dalawang lalaki makaraang tumang­ging magbigay ng pera sa mga suspek sa Malabon City, kamakalawa ng umaga.

Ginagamot sa MCU Hospital sanhi ng tinamong saksak sa katawan si Nido Gocatano, 30, ng Sta. Maria Bulacan.

Tinutugis naman ng pu­lisya ang suspek na nakila­lang si Adrian Reyes, nasa hustong gulang ng Karuha­tan, Valenzuela City at hindi kilalang kasabwat nito na nagsitakas matapos ang in­sidente.

Sa imbestigasyon nina PSSg. Mardelio Osting at PCpl. Michael Oben, pag­katapos uminom sa Prison Bar ay nagtungo ang biktima sa Lansones Road corner McArthur Highway, Bgy. Potrero alas-5:55 ng umaga.

Habang naghihintay, ni­lapitan ito ng mga suspek at hiningan ng pera subalit, tu­manggi ang biktima na na­ging dahilan upang magalit ang dalawa at sinaksak ito sa katawan.

Nagawang makatakbo ng biktima at nakahingi pa ng tulong sa pedicab driver na nagsugod sa kanya sa na­tu­rang pagamutan.