Meaning ng “Duterte” sa online dictionary | SCAM, TRAYDOR, PEKE

SINOPLA ng Palasyo ang pagsama ng urban dictionary sa salitang “Duterte” na ang ibig sabihin ay scam, traydor, peke, low quality at iba pa.

Ayon kay Presidential Spokesman Salvador Panelo, posibleng ang mga anti-Duterte ang nasa likod ng naturang urban dictionary.

Depensa ni Panelo, ang salitang “Duterte” ay nangangahulugan ng honest, incorruptible, politically-willed person, courageous, selfless, honest, transparent at iba pang magagandang kahalintulad na salita.

Bubusisiin muna umano ng Palasyo kung ang tinutukoy ng urban dictionary na salitang “Duterte” ay si Pangulong Rodrigo Duterte.

Naniniwala ang Palasyo na maaaring fake news ang urban dictionary dahil base sa kanyang pagkakaalam, ang mga sikat na dictionary lamang tulad ng Webster ang kinikilala.

Ang urban dictionary ay isang online dictionary na nagsasagawa ng crowd sourcing para sa slang words at phrases na may mga kawili-wiling kahulugan.