‘Ika nga, truth hurts... MGA DAHILAN KUNG BAKIT AYAW NI CRUSH SA’YO

ISA ka ba sa mga mi­yembro ng team sawi, pero still hopeful na mag­wawagi? Naranasan mo na bang magmahal, ma­saktan at hindi maka-move on?

Unfortunately, may mga tao na itinakdang maging parte ng buhay natin, pero hin­di nakatadhanang maging parte hanggang sa huli, awww! Madaling sabihin, ngunit, mahirap gawin ang pagmu-move on, pero ito ang kailangan, mga besh!

Para hindi na maging mahirap ang pagmu-move on, alamin natin kung ano ang mga rason kung bakit hindi ka crush ng crush mo o hindi ka mahal ng mahal mo!

1. IPINAGPIPILITAN MO LANG ANG SARILI MO. Ito ‘yung tipong nag­mu­mukha ka nang desperado sa kanya. Totoo man, hindi pa rin natin dapat ipahalata. Nakate-turn-off ito sa mga kalalakihan, besh! Sey ng tro­pa nating author na si Sab­rina Alexis, ang pagiging trying hard para i-please ang pina­pantasya mo ay hindi maka­tutulong dahil mas ma­halaga pa rin ang pagiging totoo sa sarili at pagpapakita sa iba kung ano at sino ang tunay na ikaw. Okay?

2. HINDI KA NIYA TYPE. Masakit tanggapin na hindi ka type ng type mo. Gayunman, besh, mag-move on na lang para hindi ka ma-hurt. Hindi mo naman pu­wedeng piliting mahalin ka rin niya, ‘di ba? For sure, may mga nag-confess na rin sa atin na binasted natin da­hil hindi natin type. Ganu’n lang ‘yun. Hin­di porke hindi ka type ni guy, eh, may mali na sa iyo. ‘Ika nga, may mga naka-set na kasi siyang qualities ng ba­baeng “ideal” para sa kanya.

3. MAY IBA SIYANG GUSTO. Ito ‘yung masak­lap, besh! ‘Yung kaya pala wa’ epek ang lahat ng effort mo kasi may iba na siya. Hu-hu-hu! Pero, kung ayaw mo talagang sumuko, well, tulad ng sinabi ng Elite Daily, mag­hintay ka lang, besh. Malay mo, umayon sa iyo ang tad­hana. Hindi yata kasal ang type mo, eh, charot! At kung sakali man, darating din ang panahon na magsasawa ka rin hanggang sa maging ma­ligaya ka sa buhay mo.

4. HINDI KAYO TA­LO. Ito ‘yung twist, ‘tol! Na­kakatawa man, pero may mga ganito talagang senaryo. ‘Yung sobrang na-attract ka sa guy, ‘yun pala, guy din ang gusto niya! Anyways, kara­mihan naman talaga sa mga beks ay guwapo kung nag­paka­lalaki lang, ‘di ba? Sila ‘yung mga masasabing sa­yang! Pero, oks na rin ‘yun, at least, walang masyadong magiging heartbroken, he-he-he!

5. WALA SIYANG IDEYA NA GUSTO MO SIYA. Minsan, kailangan ding magpakita ng kaunting landi, chos! May chances kasi na wala ka lang sa kanya kasi hindi niya alam na may feelings ka para sa kanya. Sabi nga ng mga ex­pert, magbigay ka ng kaunting hint na type mo siya, pero ‘wag mong sabihin sa kanya nang direkta, gets mo?

6. MALAYO ANG AGWAT NG EDAD. Oh, ayan, mga beshie, ang sabi nila, age is just a num­ber, pero hindi ‘yan tinatanggap ng iba. Para sa ilang kalala­kihan, ang edad ay malaking bagay para sa re­lationship. Karamihan kasi, preferred ‘yung mas bata sa kanila, pero hindi ‘yung sob­rang bata, ha?

Maraming rason kung bakit hindi tayo gusto ng taong gusto natin. Pero, mga ‘tol, palagi nating tatandaan na ang agos ng buhay ay pa­tuloy pa rin kahit ilang beses pa tayong makaramdam ng rejections.

Hindi nagtatapos ang istorya ng buhay sa bawat re­­jection na na­tatanggap natin dahil hindi ito ang ka­tapu­san ng buhay.

Sabi nga ng ma­nunulat na si Stepha­nie Perez, mag-con­centrate tayo sa mga ba­gay na kaya nating baguhin para ma-im­prove ang ating sarili.

Gets mo?