Umiihi sa pader | 2 CALL CENTER AGENTS, NIRATRAT

DALAWANG call cen­ter agents ang pinagbabaril ng riding-in-tandem kung saan isa ang nasawi sa Iloilo.

Kinilala ang mga biktima na sina Christopher Jinon, 32, ng Bgy. Bularan, Banate at Mark Secreto Muller, 38, ng Jaro, Iloilo City.

Idineklarang dead-on-arrival sa ospital si Muller habang nasa malubhang kon­disyon ang kasama nitong si Jinon.

Ayon kay Police Maj. Marlon Valencia, pinag­ba­baril ng angkas sa motor­siklo ang dalawa habang umi­­­ihi ang mga ito sa pader sa bahagi ng Bgy. Taft North, alas-9:00 ng gabi ng Sabado.

Narekober ng SOCO sa lugar ng pama­maril ang pi­tong basyo ng bala mula sa .9mm baril.

Napag-alaman sa report na si Muller ay dating illegal drug surrenderee sa kasag­sagan ng Oplan Tokhang noong 2017.

Patuloy pa ang pagtukoy ng pulisya sa motibo ng kri­men.