Supplier sa mga gimikan | RAPPER NA TULAK, KULONG

TIMBOG ang isang ki­lalang rap artist sa isina­gawang drug-bust operation sa Angeles City, Pampanga, kahapon ng madaling-araw.

Sa himpilan ng Angeles City Police, kinilala ang sus­pek na si Arnly Dimabuyu alyas Xander Bay at Po­poy Pogi, kilalang social me­dia artist at rapper.

Nabatid kay Gil Pabi­lona, Central Luzon Director ng Philippine Drug En­forcement Agency (PDEA), na si Dimabuyu ay siyang nagsu-supply ng iligal na droga sa mga party at club sa Angeles City.

Nasamsam mula sa po­sesyon ni Dimabuyu ang bul­tong ecstasy tablets na nag­kakahalagang P16,000 at isang sachet ng marijuana.

Itinanggi naman ni Di­mabuyu na gumagamit at nagbebenta siya ng iligal na droga.