Sa ginagawang Skyway | 58 TONELADANG BEAM, BUMAGSAK

BUMAGSAK ang coping beam na ikinakabit para sa Skyway Stage 3 sa North Luzon Expressway (NLEX) matapos matang­gal sa kinakapitang hook habang inilalagay sa puwesto, ka­hapon.

Hindi pa matukoy kung bakit bumagsak ang 58 to­neladang coping beam ma­lapit sa Balintawak south­bound exit pasado alas-2:00 ng madaling-araw, ayon sa rigging engineer na si Reggie Garcia.

“Noong maiangat, nag­karoon ng problema doon sa lifting log pero ‘yun ay nasa design naman. Wala namang may gusto, bumigay ‘yung lifting log at ‘yan ang nangyari,” ani Garcia.

Ang lifting eye o lifting log ay ang kinakabitan ng ka­dena ng crane. May 4 na lifting eyes sa coping beam at dalawa rito ang nasira. Pasado alas-8:00 ng umaga, sinusubukan pa ring ibaba ang coping beam para sirain at palitan ng bago.

Wala namang natamaan nang bumagsak ito.