Rider dedbol sa van

TODAS ang rider ha­bang sugatan ang angkas nito matapos mabangga ng van sa Valenzuela City, kahapon ng madaling-araw.

Dead-on-arrival sa Va­lenzuela Medical Center sanhi ng tinamong pinsala sa ulo at katawan si Roldan Ca­pillo, 33, ng Maysan, ha­bang ginagamot naman sa natu­rang pagamutan ang angkas nitong si Rodel Cor­pin na nagtamo rin ng mga sugat sa katawan.

Nahaharap na sa kasong reckless imprudence resul­ting in homicide and physical injury ang driver ng van na si Christian Idava, 26, ng Bulacan.

Batay sa imbestigasyon, ala-1:30 ng madaling-araw, kapwa tinatahak ng motor­siklo at van ang Maysan Road patungong McArthur Highway kung saan nasa ka­nang lane ang motor.

Pagsapit sa kanto ng M. Antonio St., tinangkang lu­miko pakaliwa ng motor­sik­lo na naging dahilan upang mabangga ito ng van na nag­tangka namang mag-over­take.

Tumilapon ang motor­siklo at ang mga biktima na agad isinugod ng rumespon­deng Valenzuela Rescue Team sa naturang pagamu­tan habang dinakip naman ng pulisya si Idava.