Kalaban ng gobyerno, wala na sa bundok, nasa condo na, may gadget at WiFi pa!

KA AMBO / BISTADO

GAGAWIN daw 24-oras ang working hours.

Malaki ang tama ninyo!

◘◘◘

EPEKTIBO kapag ipi­natupad ang tatlong 8-oras working hours shift sa gobyerno at pribadong kumpanya.

Maikakalat sa loob ng 24-oras ang pagkilos ng tao at biyahe ng behikulo sa Metro Manila.

Matitriple rin ang out­put ng mga mangga­gawa at ehekutibo!

◘◘◘

MAS mainam ay ipa­tu­pad na rin ang 24/7 working period.

‘Ika nga, dyinggel lang ang pahinga!

◘◘◘

MASASABAY ito sa home-based working schedule.

Maging ang mga pa­rak ay matitriple rin ang “tara”.

Ha-ha-ha!

◘◘◘

LAGANAP pa rin ang pasugalan sa Maynila. Hin­di na ‘yan puwe­deng tanggalin ni Mayor Isko.

Mawawalan ng intele­hensiya ang kanyang mga amuyong.

He-he-he!

◘◘◘

MAGREREKLAMO ang mga amuyong kay Mayor Isko: Boss, pina­alis mo na ang mga ven­dor, tatanggalin mo pa ang sugal?

Paano na ang pamilya at kabit namin?

Hi-hi-hi!

◘◘◘

NABUWAG na ang kidnap-for-ransom sa mga BIR executive.

Panibagong serye ‘yan ng patayan para maitago ang mga utak!

◘◘◘

PARURUSAHAN daw ang mga titser na manghihikayat sa mga estudyante na mag-NPA.

Huh, luma na ‘yan.

Na-solve na ‘yan noon ni dating Pangulong Fer­di­nand Marcos!

◘◘◘

LIPAS nang isyu ang pagpasok ng komunista sa mga kolehiyo at hays­kul.

Anubayan?

◘◘◘

WALA nang namu­mun­dok ngayon, nasa condo na ang mga kala­ban ng gobyerno.

May CP, gadget at WiFi!

◘◘◘

HINDI na uso ang pagkakadre sa bundok.

Sa social media lang, sobra-sobra na!

◘◘◘

INUULIT natin, hindi bawal sa Konstitusyon na kontrahin ang umiiral na gob­yerno gamit ang alin­mang ideolohiya.

Ang ipinagbabawal sa Konstitusyon ay ang ma­rahas at madugong pag­ba­bago sa gobyerno.

Maunawaan sana natin ito!