Sogie equality bill, kasado na

SUPORTADO ang isi­nusulong na batas na Sexual Orientation and Gender Identity and Expression (SO­GIE) Equality Bill sa Kongreso.

Ayon kay Sen. Christo­pher Lawrence ‘Bong’ Go, bago pa man umapela si Sen. Risa Hontiveros sa kan­yang mga kapwa senador na tu­lungan siyang maipasa ang SOGIE Equality Bill ay ma­tagal na niyang suportado ang LGBT community.

Aniya, lahat tayo ay pan­tay-pantay anuman ang ka­sarian, kaya hindi nito na­gustuhan ang naging asal ng janitress sa isang mall sa Que­zon City kung saan hin­di nito pinayagang gumamit ng pambabaeng comfort room ang transwoman na si Gretchen Diez.

Sa ginawang manifes­tation of support ni Go, si­nabi nito na nilapitan siya nina Sen. Hontiveros at Rep. Geraldine Roman at hiniling ang kanyang tulong para maipasa ang naturang panukala. Tiniyak din ni Go, na su­suporta siya sa panukalang batas at sinabing sa kanilang lugar sa Davao ay matagal nang umiiral ang ordinansang nagbibigay at nagbabantay ng pantay na karapatan sa LGBT community.