Hamon ng Palasyo sa publiko, MMDA, bigyan ng tsansa na masolusyunan ang trapik sa EDSA

RYAN B. SISON / BOSES

MARAMING pakulo at gimik na na­isip ang mga kinauukulan para maso­lusyunan ang matinding trapik na hang­gang ngayon ay ating nararanasan. ‘Yun nga lang, mukhang wala pa ring umubra sa mga ito dahil perhuwisyo pa rin para sa mga komyuter ang mabigat na daloy ng trapiko, partikular sa EDSA na ma­dalas dinaraanan sa tuwing pumapasok ang marami sa opisina.

Gayunman, ayon sa Palasyo, dapat bigyan muna ng tsansa ang Metro Manila Develop­ment Authority (MMDA) na ma­kapag-eks­perimento para matuldukan na ang isa sa mga pangunahing problema rito sa bansa.

‘Ika nga, tiis-tiis lang daw muna dahil darating din ang panahon na ito ay ma­reresolba. Pero huwag naman sanang gumawa ng solusyon na maaari ring pagmulan ng mga reklamo dahil kapag ganu’n palagi ang mangyayari, hindi ta­laga ito matutuldukan kahit ano ang gawin natin.

Samantala, kung hindi pa rin ito mag­kakaroon ng progreso, bukas naman ang pamahalaan sa mga suhestiyon at opin­yon ng taumbayan kung saan maaari itong ipadala sa MMDA, Office of the President o sa tanggapan ng Palasyo.

Palagi nating tatandaan, ang problema ay natatapos kung lahat tayo ay magtu­tulungan at mahalaga rin na isipin ang kapakanan ng bawat isa, hindi lang ‘yung basta bira nang bira.

Oras na para tuldukan ang matinding trapiko sa bansa!

Para sa inyong opinyon, sumbong, hinaing o nais hinging tulong ito ang pagkakataong marinig ang inyong boses, sumulat lamang sa BOSES ni RYAN SISON at ipadala sa Bulgar Bldg. 538 Quezon Avenue, Quezon City o mag-email sa boses.bulgar@gmail.com.