DOH, nagbabala sa mga herbal kontra dengue

BINALAAN ni Health Secretary Francisco Duque III ang publiko laban sa mga herbal at food supplement na sinasabing anti-dengue at ibinebenta sa merkado at maging sa online.

Tulad na lang ng tawa-tawa capsule, powder at iba pang produkto na ibinebenta sa Facebook at iba pang online store.

“So, ito namang tawa-tawa ang sinasabi ng DOST ay mukhang may resulta sila ng kanilang pananaliksik na nagpapakita na puwede makatulong sa pagpapataas ng platelets ang tawa- tawa pero, gusto ko lang isipin n’yo na kapag may nagsabi na dahil sa tawa-tawa siya ay gumaling. In dengue 99.6% will recover .4 will die. They drank tawa-tawa anecdotally gumaling sila dahil sa tawa-tawa, so, you have to think of that background,” paliwanag ni Duque.

Payo ng kalihim sa publiko, maging mapanuri at isumbong sa FDA kung may makita o malamang iligal na nagbebenta ng mga anti-dengue supplement.

Sa datos ng DOH, aabot sa 12, 880 dengue cases ang naitala mula Hulyo 21 hanggang 27 lamang ng taong ito. Sa nasabing bilang, 39 ang nasawi.