Botika nilooban P100-k natangay

NASA P100,000 cash at mga mamahaling gadgets ang natangay ng mga hindi pa nakikilalang suspek maka­raang looban ang isang sa­ngay ng botika sa Bgy. Dis­trict 4, Balayan, Batangas.

Nasa pagitan ng alas-9:00 ng gabi hanggang alas-6:00 ng umaga, sinasabing pina­sok ng mga kawatan ang Botika Estella, ayon sa ka­tiwala nito.

Winasak ang kandado ng pintuan saka pumasok at sinimot ang kita ng nasabing botika. Tinangay din ang ilang mama­haling gadgets at iba’t ibang klase ng gamot.

Pinag-aaralan naman ang mga CCTV foot­ages sa lugar upang matu­koy ang responsable sa insidente.