Regulasyon sa paggamit ng computer shops ng mga menor-de-edad, isulong!

KUYA WIN GATCHALIAN / WIN TAYONG LAHAT

SA panahon ngayon, kasama ang gadget at internet sa pangunahing panga­ngaila­ngan ng mga mag-aaral upang sila ay ma­sanay na maging computer literate, makakuha ng im­pormasyon para sa pag­sasaliksik o pro­yekto at upang maka­sabay sa bilis ng pagba­bago ng teknolo­hiya.

Ngunit, dapat ay mayroon ding li­mitasyon sa paggamit nito, lalo na tuwing oras ng klase.

Tulad ng mga nauulat na pagtaas ng bi­lang ng mga estudyanteng hindi pu­mapasok sa klase o nagka-cutting classes dahil sila ay pumupunta sa computer shop o internet café habang nasa class hours.

Hindi lamang sa iisang lugar nangya­yari ito kundi maging sa iba’t ibang lung­sod din na mayroong dikit-dikit na com­puter shops.

Dalawa ang pangunahing rason kaya pu­mupunta sa computer shop ang mga estud­yante, una, maaaring wala silang computer, walang internet o mahina ang connection sa kanilang bahay upang ga­win ang kanilang assignment o mag-research at ang pangalawa ay para mag­laro ng online games.

Mas maigi sana kung ang bawat pa­aralan ay may sapat na bilang ng com­puters o in­ternet access upang hindi na nila kailanganing lumabas para tapusin ang kanilang school requirements sa computer shop dahil nako­kompromiso ang kanilang pag-aaral sa loob ng klas­rum.

Noon pa man ay nangyayari na ang mga ganitong nakalulungkot at nakaa­alar­mang sitwasyon. Matagal na nating itinutulak sa Sena­do ang panukalang-batas na Senate Bill No. 728 o Internet Café Regulation Act.

Kapag naisabatas na ito, hindi na pa­pa­yagang makapasok ng mga may-ari at nag­papatakbo ng computer shop ang mga menor-de-edad habang nasa oras ng klase mula Lunes hanggang Biyernes.

Nakasaad sa panukala na ang mga menor-de-edad ay hindi papayagang tu­mambay, maglaro ng offline at online games at gumamit ng internet sa com­puter rental shop habang nasa oras ng klase sa loob ng school calendar days.

Pagbabawalan din ang kanilang pa­mamalagi mula alas-7:00 ng gabi hang­gang alas-7:00 ng umaga kinabukasan tuwing weekends, holidays, nakanselang klase at bakasyon.

Sa pamamagitan ng panukalang ito, mapoprotektahan natin ang mga kaba­taan mula sa kapahamakan at kapaba­ya­an sa pag-aaral sa pamamagitan ng paghihigpit sa re­gulasyon.

Sa mga magulang at guro, mainam na maging mapagmatiyag sa mga panga­ngaila­ngan ng mga kabataan. Hangad nating ma­panatiling bukas ang komunikasyon at ku­mustahin ang kanilang pag-aaral.

Kung napapansing hindi nakaga­gawa ng homework, project o nakapagre-re­view at puro laro o social media ang pi­nag­­kakaabala­han, bigyan sila ng limi­tas­yon upang maba­lanse ang kanilang oras sa lahat ng gawain at aktibidad.

‘Ika nga, may panahon para sa lahat ng bagay. May nakatakdang-oras para sa pag-aaral at may nakalaang oras din sa paggamit ng teknolohiya.

Mahalagang pangalagaan natin ang ka­pakanan, seguridad at kinabukasan ng mga kabataan.

Kaya naman, hindi natin hahayaang ma­ipagsawalambahala na lamang ang nangya­yaring cutting classes sa mga pa­aralan.

May katanungan ka ba, reklamo o naisihingi ng tulong? Sumulat sa WIN TAYONG LAHAT ni Kuya Win Gatchalian, BULGAR Bldg., 538 QuezonAve., Quezon City o mag-email sa surewin.bulgar@gmail.com