Super close talaga... P-DU30, NAKI-PARTY SA 50TH B-DAY NI ROBIN

Vinia Vivar / FRANKLY SPEAK

Photo : @marieltpadilla

BONGGA na ang joint birthday celebration ng mag-asawang Robin Padilla and Mariel Rodriguez last Friday night held in a plush hotel in Makati, pero lalo pang pinabongga ng pagdating ng pangulo ng bansa na si Pres. Rodrigo Duterte.

As we all know, noon pa ay kilala na ang mag-asawa, especially Binoe na strong supporter ni P-Digong simula nang tumakbo itong presidente noong 2016 elections.

Sa Instagram post kahapon ni Mariel ay nagpasalamat siya kay P-Digong sa pagdalo sa birthday party nilang mag-asawa.

“The biggest surprise of the night... President Rodrigo Roa Duterte!!!!! Thank you sooooooo much!!!! Your presence made Robin’s 50th most special. We also want to thank Senator Bong Go and his office. Maraming Salamat po sa Office of the President, Ms. Bubbles, PMS and PSG. To our team yaaay success!!!!” caption ni Mariel kasama ang larawan nila ni P-Du30 during the party.

Actually, sa November pa ang 50th birthday ni Binoe pero sa paliwanag nga ni Mariel in her another post, ang nasabing engrandeng event ay surprise birthday party daw niya para sa mister dahil wala sila ni Isabella sa actual birthday nito on November.

“I am 35 years old today!!! And last night we had our biggest party ever!!! But it wasn’t for me... it was for my husband. He turns 50 this November and sadly Isabella and I will not be here to celebrate with him. So I threw him a surprise party... the whole time he thought it was my party I was planning but it was his,” ang pahayag ni Mariel sa IG.

Star-studded din ang nasabing party at ilan nga sa mga spotted sa event ay sina Jodi Santamaria, Bela Padilla, Ruffa Gutierrez at magulang na sina Eddie Gutierrez and Annabelle Rama, Bianca Gonzalez, Karylle, Karla Estrada, Gretchen Barretto, Phillip Salvador, Vhong Navarro, Bayani Agbayani, Ryan Bang, Richard Yap, Pokwang, atbp..

Naroon din of course ang pamilya ni Binoe including his children at inang si Eva Cariño-Padilla. Ang manugang niyang si Aljur Abrenica ay present din siyempre kasama ang asawang si Kylie Padilla na anak ni Robin.