Pag-aalaga sa nanay pinag-awayan | ATE KINATAY

PINAGSASAKSAK ang 54-anyos na babae ng kan­yang kapatid sa Iloilo.

Partikular na sangkot sa insidente ang magkapatid na Moreno, kapwa naninirahan sa Bgy. Calumpang.

Dead-on-arrival sa os­pital ang biktima sanhi ng ti­namong tatlong tama ng sak­sak sa katawan habang naaresto naman ang naka­babatang kapatid na si Jaime, 52.

Ayon sa report ng Iloilo City Police, alas-10:00 ng gabi ng Biyernes nang ma­ganap ang krimen habang nag-iinuman ang magkapa­tid sa kanilang bahay.

Dala ng kalasingan at sa galit na rin dahil sa matagal na nilang hidwaan ay nasak­sak ng lalaki nang ilang beses ang nakatatanda nitong ka­patid.

Batay sa imbesti­gasyon na pinagtatalunan ng mag­kapatid kung sino ang dapat na may responsibi­li­dad sa pag-aalaga sa kanilang ina. Nagrereklamo umano ang suspek dahil sa kanya pa aniya iniaasa ang lahat kahit na siya ay may ka­pan­sanan.