Mga pulis, oks tumanggap ng regalo — Digong | HINDI PUWEDE, BAWAL! — PNP

KAKASUHAN pa rin ng pamunuan ng Philippine National Police (PNP) hang­gang matanggal sa serbisyo ang sinumang pulis na ma­patunayang tumanggap ng anumang regalo kapalit ng kanilang serbisyo.

Ito ang nananatiling ba­bala ng PNP sa kanilang ha­nay kasunod ng pahayag ni Pangulong Rodrigo Duterte na maaari umanong tumang­gap ng regalo ang mga pulis bilang ‘out of gratitude’ o pasasalamat.

“Our intensified cam­paign on internal cleansing is on­going and we will never hesitate to investigate and charge PNP personnel found doing illegal acts,” pahayag ni PNP Spokesman Brig. Gen. Bernard Banac nitong Sabado.

“At any rate, the PNP remains to be bound by rules that govern our conduct under any given situation,” dagdag pa ni Gen. Banac.

Ipinuntong muli ni Ba­nac na dapat silang sumunod sa istriktong ipinaiiral na batas sa ilalim ng Republic Act 6723 o Code of Conduct and Ethical Standards for govern­ment officials and emplo­yees.

“We always explain to the public that there is no need for them to give gifts as we are just doing our job and we get paid by the Filipino people through our sala­ries,” dagdag pa ni Banac. Pi­naalalahanan din ang pub­liko na hindi na kailangan pang magbigay ng anumang regalo sa mga pulis dahil man­dato o trabaho nila ang magbigay-serbisyo sa ma­mamayan.

Matatandaang, sinabi ni Pangulong Duterte na walang masama sa regalo basta hin­di ito suhol.

“Well, basta kung bigyan kayo, eh, tanggapin ninyo. It is not bribery it cannot be bribery because it is al­lowed by law. What I mean if there is generosity in them, sabi ng anti-graft, you cannot ac­cept gifts. Kalo­kohan ‘yan,” ito ang pa­hayag ni Pa­ngu­long Du­terte sa mga pulis.