LTO sa mga motorista: P350 NA IBINAYAD PARA SA RFID, IBABALIK

ISOSOLI ng Land Trans­­portation Office (LTO) sa susunod na linggo ang siningil nito sa mga motorista na ba­yad para sa Radio Frequen­cy Identifica­tion (RFID) pro­ject noong 2009.

Ayon kay LTO Chief As­sistant Secretary Edgar Galvante, simula sa Agosto 15, makukuha na ng mga mo­toristang siningil sa kanila para sa RFID noong August 1, 2009 hanggang January 15, 2020.

Ang refund ay pagsunod ng LTO sa desisyon ng Korte Suprema na nagpapa­wa­lambisa sa naging kasunduan ng noon ay Department of Transportation and Com­mu­nications (DOTC), LTO at Stradcom Corp.

Nauna nang nilagdaan ni Galvante ang Memorandum Circular No. 2019-2170 na nagtatakda ng magiging pro­seso ng pag-refund sa tina­tayang 85,657 motor ve­hicle registrants.

Ipadadala na sa mga LTO regional at district office ang masterlist upang mabilis na maibigay ang refund.

Ang bawat claimant ay maaaring makakuha ng P350 na refund at P9.00 interest.

Kailangan lamang na mag­sumite ang claimant ng refund form at kopya ng va­lid government-issued ID.