Executive Sec. Medialdea binanatan | TULFO, PINAGRE-RESIGN

PINAGBIBITIW si Ra­mon Tulfo bi­lang Special Envoy to China.

Ito ay kaugnay ng isyu sa pagitan nito at ni Execu­tive Secretary Salvador Me­dial­dea.

Sinasabing walang pu­wang sa administrasyon ang asal ni Tulfo na pawang mga kasinungalingan umano ang mga sinasabi. Sa kolumn na kanyang inilabas noong July 20, na may pamagat na “There goes Cayetano as House Spea­ker, also Medialdea”, ina­kusahan ni Tulfo si Me­dialdea na nagla­labas ng me­morandum na hindi umano alam ni Pangu­long Rodrigo Du­terte. Ito ay para atasan uma­no ang mga government agency ­at GOCC na supor­ta­han ang Philippine South­east Asian Games Organizing Commit­tee Foundation.

Sa kanya namang July 25 column, inakusahang muli ni Tulfo si Medialdea, na inu­puan umano nang isang taon ang apela ng isang Felicito Me­jorada para ma-claim ang P272.07-M reward money mula sa gobyerno. Ani Me­jorada, nagbigay siya ng tip sa gobyerno tungkol sa smuggling operation umano sa Mariveles, Bataan noong 1997.

Inakusahan din ni Tulfo si Medialdea na nasa likod ng isang Vianney D. Garol, na presidential consultant umano upang humingi ng P72-M para maibigay na ang reward. Malinaw umanong hindi factual ang sinabing ito ni Tulfo. Isang source umano sa Palasyo ang nagsabi na walang inilabas na memo­randum si Medialdea tung­kol sa pagsuporta sa PHIS­GOC na walang pahintulot ni P-Duterte at hindi rin uma­no inupuan ang apela ni Me­jorada at nakasa­ad sa do­kumento na na-receive ang appeal noong April at tat­long buwan pa lamang ito nai­pasa.