Dalawang 15-anyos nilasing, ni-rape ng katropa

DALAWANG 15-an­yos na dalagita ang magka­sabay na pinagsamantalahan ng kani­lang dalawang kaibi­gan matapos lasingin sa Na­votas City, kamakalawa ng gabi.

Sa nakarating na ulat kay Navotas Police Chief Col. Ro­lando Balasabas, unang inimbita­han ng mga suspek na si Chijaiky Arex Alonzo, 19, at 17-anyos na si alyas Cardo ang mga bik­­tima na sina alyas Lily at Alyana, na mag-inuman sa isang bahay sa Bgy. San Jose na pinaun­lakan naman ng dalawa dahil kaibigan nila ang mga ito.

Alas-11:00 ng gabi, na­lasing ang mga biktima su­balit, sa halip na ihatid pauwi ay sinamantala ng mga sus­pek ang kalasingan ng da­la­wa bago magkasabay na hi­nalay sa loob ng nasabing bahay.

Nang mahimasmasan, agad umuwi ang mga bik­tima at nagsumbong sa kani-kani­lang mga magulang na hu­mi­ngi naman ng tulong sa pu­lisya na nagresulta sa pag­ka­kaaresto sa mga suspek.