Alamin ang kahulugan... GANDANG-GANDA SA SARILI SA HARAP NG SALAMIN

Socrates Magnus

Salaminin natin ang panaginip ni Marissa ng Marissa_Lagbas@face-book.com

Dear Professor,

Palagi akong nana­naginip ng salamin at na­kikita ko sa salamin na maganda ako.

Ano ang ibig sabihin nito?

Naghihintay,

Marissa

Sa iyo Marissa,

Nakatutuwa ang pa­naginip at nakapagbibi­gay-saya. Sa katunayan, bigla kong naalala ‘yung kuwento ng mahiwagang salamin na may babaeng nagtanong kung sino ang pinakamaganda.

Hindi madaya ang ma­hiwagang salamin, ang totoo nga, nakikita at na­babasa nito ang laman ng isip at damdamin ng tao.

Sa pagtatanong ng “pinaka”, lumabas ang tunay niyang pagkatao na siya ay may kinaiinggitan o pinagseselosan, kaya ka­hit siya ay maganda, pu­mangit na rin siya sa pa­ningin ng salamin dahil ang inggit at selos ay ta­lagang nakakapangit.

Gusto mo bang mala­man kung talagang totoo ang sinabi ng iyong sala­min na maganda ka?

Alam mo, ang bawat tao ay may totoong sala­min, salamin na hindi nag­sisinungaling, nababasag at nang-iiwan.

Ito ay ang bestfriend ng bawat tao. Kaya ang sabi ng panaginip, magtanong ka sa bestfriend mo kung maganda ka dahil ang bestfriend ang tunay na salamin ng bawat tao da­hil hindi lang hitsura ang nakikita nila kundi ang mismong pagkatao, kalu­luwa at iba pa.

Hanggang sa muli,

Professor Seigusmundo del Mundo