Matapos tawaging anti-poor at anti-commuters | YELLOW LANE POLICY SA EDSA, TULOY — MMDA

TULOY ang panghuhuli ng Metropolitan Manila Development Authority (MMDA) sa mga motoris­tang lalabag sa yellow lane policy sa kahabaan ng EDSA.

Ayon kay MMDA traf­fic Czar ‘Bong’ Nebrija, sa kabila ng mga pagtuligsa ng mga commuter at moto­rista sa kanila, ipagpapatu­loy pa rin nila ang pagpapa­tupad ng yellow lane policy sa EDSA.

Nagmistulang malaking parking area ang sitwasyon sa EDSA dahil umano sa na­turang traffic scheme.

Sinabi ni Nebrija, ang ka­walan ng disiplina ng mga motorista, partikular ng city bus drivers ang naging po­sibleng dahilan sa masikip na daloy ng trapiko sa EDSA.

Giit pa ni Nebrija, hindi umano magiging masikip ang yellow lanes kung maru­nong magbigayan ang mga motorista.

Matatandaang, binatikos ng mga commuter at mo­torista ang MMDA dahil sa umano’y maladelubyong sit­­wasyon ng trapiko sa EDSA mula noong naka-raang Biyernes dahil umano sa na­turang traffic scheme.

Tinatawag ngayon ang ahensiya na anti-poor at anti-commuter dahil maluwag ang lanes para sa private ve­hicles habang ang dalawang yellow lanes para sa mga bus ay nagmimistulang ma­laking parking lot.