Dobleng sahod sa mga pulis, alam kong kulang — Digong | RAKET, APRUB!

AMINADO si Pa­ngu­long Rodrigo Du­terte na hin­­di nito mapipigilan ang raket ng mga pulis dahil hirap din umano sila sa kanilang pa­milya sa kabila na dinoble ang suweldo ng kapulisan.

Una nang ibinunyag ni P-Duterte ang sideline ng mga pulis para kumita sa video karera.

“I can understand na alam mo ‘yung — especially the Chinese, Christmas time, okay ako, wala… pero ‘yang maghingi ganu’n, medyo mahirap ‘yan. Tutal meron naman kayong sideline. ‘Yung video karera inyo na­man ‘yan. Sa lahat ng sta­tion commander kasi alam ko kulang,” anang pangulo.

Ayon sa pangulo, batid niya ito dahil naging alkalde siya sa Davao ng 23 taon at naging prosecutor sa loob ng walong taon.

“Eh, hindi mo rin talaga mapigilan. So, alam mo ‘yang police even sa pamilya nila hirap ‘yan. I know be­cause I have been mayor for 23 years. I was a prose­cu­tor for eight years,” wika pa ni Pangulong Duterte.

Gayunman, nagpaalala si Pangulong Duterte sa ha­nay ng kapulisan na makun­ten­to at huwag maging ga­nid sa pera.

Naniniwala pa ang pa­ngulo na hindi ito panunuhol kung kusa naman aniya ibi­nibigay ito sa mga kapulisan.

“So, alam ko ‘yung laro. So, basta wala lang loko­han. If you are just content of maybe you want 50,000 and you are able to get something like 25 or 20, be content. Be — do not allow your greed to run away with all the — alam mo na, kalokohan. So, ‘yan lang akin. Hindi ko kayo iipitin,” sabi pa ng pangulo.

“Well, basta kung big­yan kayo, eh, tanggapin ninyo. It is not bribery be­cause — it cannot be bribery because it is allowed by law. What I mean if there is generosity in them, sabi ng anti-graft you cannot accept gifts. Kaloko­han ‘yan,” saad pa ng Punong Ehekutibo.