15-anyos tiklo sa shabu

TIMBOG ang 15-anyos na dalagita sa buy-bust ope­ration kasama ang scorer nito sa Bgy. Sapa 1, Rosario, Cavite.

Arestado si alyas An­gel, 15, at ang umano’y scorer nitong si Allan Carino, 37, re­sidente ng Bgy. Pa­song Ca­machile 1, Gen. Trias City.

Ayon kay PSSg. Ellezer Tagalog, nakatanggap sila ng impormasyon na may maga­ganap umanong bilihan ng droga sa nasabing lugar.

Alas-12:30 ng hatinggabi nang isa sa mga pulis ang nagpanggap na scorer at su­mabay sa bilihan ng dala­gitang suspek at kostumer nito.

Nang magpositibo ang abutan, dito na dinakma ang dalawang suspek.

Nakuhanan ito ng wa­long sachets na naglalaman ng shabu na may halagang P2,000 pataas at ilang drug paraphernalias na may mga bakas pa ng pinaggamitan ng shabu.