P150-M budget sa pagpapatayo ng sports school

MAGKAKAROON na rin ng eskuwelahan para sa mga magiging world champion sa sports.

Isu­long ni Sen. Chris­topher ‘Bong’ Go, chairman ng Se­nate Committee on Sports, ang Senate Bill No. 397 na la­yuning magtatag ng pa­ara­­lang magde-develop sa mga high school student sa larangan ng sports.

Layon umano nitong ma­ibalik ang pagiging ‘sports powerhouse’ ng bansa sa Asya tulad noong Dekada 70 at 80 para makapag-uwi ng mga medalya ang mga atle­tang Pinoy sa iba’t ibang in­ternational competitions.

Tatawagin ang naturang paaralan na National Aca­emy of Sports for High School (NASHS) na itatayo sa New Clark City sa Ca­pas, Tarlac at may inisyal na pondo na P150 milyon na manggagaling sa National Treasury at sa Government Appropriations Act (GAA).

Ang mga kabataang may ang­king galing sa anumang la­rangan ng palakasan at nag­papakita ng kakaibang hilig sa sports ay kuwalipi­kado.

Libre ang pag-aaral na may allowance at ‘stipend’ na ibibigay ang gobyerno sa mga deserving student. Sa mga hindi qualified sa scho­larship grant pero, gustong mag-aral sa nasabing paara­lan para mahasa sa isang sport ay maaari pa ring tang­gapin subalit, magbabayad ng minimal na matrikula.

Ang itatayong paaralan ay kumpleto sa pasilidad tulad ng 20,000-seater athle­tic stadium, 2,000-seater na aquatic center o swimming pool area, athletes’ village, bikeways at jogging tracts. (BRT)