Namatayan ng asawa | MISTER TUMALON MULA 28TH FLR. NG BUILDING

HIMALANG nabuhay ang isang Japanese makaraan umanong tumalon mula sa ika-28 palapag sa gusali sa Makati City, kamakalawa ng gabi.

Ginagamot sa Makati Medical Center si Anri Saito, 39, pansamantalang nanunu­luyan sa Mosaic Building sa Trassierra at Aguirre Sts., Le­gaspi Village, Bgy. San Lo­renzo.

Ayon sa ulat ni Col. Rogelio Simon, naganap ang insidente sa inuupahang unit ng biktima, alas-8:55 ng gabi. Tumalon umano ito mula sa ika-28 palapag ng gusali na bumagsak sa ika-24 palapag.

Sa pahayag ng roommate nitong si Rado Omari, 45, isa ring Japanese, maaaring labis na depresyon sa bigla­ang pagkamatay ng asawa kaya nito nagawang magpa­kamatay.

Isinugod ng Bgy. San Lo­renzo Rescue ang biktima sa nasabing pagamutan upang malapatan ng lunas. Ang biktima at si Rado ay nag-check-in sa nasabing unit nitong Agosto 3 at naka­takdang mag-check­out nga­yong araw.

Samantala, isinailalim sa kustodiya ng pulisya si Oma­ri matapos siyang ga­wing person of interest.