Babala sa mga mamimili! Mga produktong pampabyuti at pampaseksi na hindi aprubado ng FDA, nagkalat!

RYAN B. SISON / BOSES

SINO ba ang hindi nagnais na gu­manda, pumuti at maging sexy?

Siyempre, kung may mga paraan, ba­kit hindi susubukan kung kaya naman?

‘Yun nga lang, sa dami ng mga nagti­tinda ng pampapayat, pampaputi, pam­paganda at kung anu-ano pa, hindi na natse-check ng ating mga kababayan kung peke ba ito dahil nasisi­law na rin sila sa murang hala$ga.

Gayunman, nagbabala ang Food and Drug Administration (FDA) hinggil sa mga brand ng slimming coffee, ginger tea at turmeric pow­­der na hindi umano aprubado ng ahensiya, pero malayang naibebenta.

Base sa post market surveillance ng FDA, walang certificate of registration ang natu­rang mga produkto kaya ang pag-manu­fac­­ture, importation, exporta­tion, sale, distribu­tion, transfer, non-con­sumer use, promotion, ad­vertising o spon­sorship ng naturang mga produkto ay ipinagbabawal.

Kaya, para hindi mapahamak, ang pana­wagan natin sa lahat, maging aware tayo sa mga binibili natin, unahin ang ka­lidad at ka­ligtasan kaysa sa inaakala nating kagandahan at kaseksihan na maidudulot nito sa atin dahil hindi natin alam, baka ito pa pala ang maka­sama sa ating kalusugan at pangangatawan.

Para sa inyong opinyon, sumbong, hinaing o nais hinging tulong ito ang pagkakataong marinig ang inyong boses, sumulat lamang sa BOSES ni RYAN SISON at ipadala sa Bulgar Bldg. 538 Quezon Avenue, Quezon City o mag-email sa boses.bulgar@gmail.com.