Para makaiwas sa nakamamatay na dengue... IBA‘T IBANG HALAMAN NA KINATATAKUTAN NG MGA LAMOK

Sr. Socrates Magnus II

Bigyang-daan natin ngayon ang mga kaala­man tungkol sa mga hala­man na kinatatakutan ng mga lamok.

Usung-uso ngayon ang dengue at ayon sa balita, malapit nang umabot sa ka­lahating milyon ang mga ta­ong may dengue sa buong bansa.

Kung hindi ito maa­aga­pan, bago matapos ang 2019, milyun-milyon ang ma­aaring maging biktima.

Gulung-gulo ang lahat ng ahensiya ng gobyerno, lalo na ang may kinalaman sa ka­lusugan o DOH, pero ma­ging ang lahat ng local go­vernment units ay ganundin, kaya makikitang ang mga barangay ay abala kung pa­ano lalabanan ang dengue na resulta ng kagat ng lamok.

Kaya narito ang ilang halamang kinatatakutan ng mga lamok. Hindi ito magas­tos kung ikukumpara sa pag­papagamot. Ito rin ay puwe­deng subukan ng mga nag-aalinlangan.

Simple lang ang paraan para magamit ang mga hala­man, ito ay ilagay sa ilalim ng kama, sa silid-tulugan, bin­tana o isabit sa pintuan.

Dahil ang mga lamok ay naninirahan sa madidilim na lugar, lalagyan din ito ng ilang dahon.

Puwede rin itong gawing spray kung saan dudurugin ang mga dahon at ihahalo sa maligamgam na tubig at ii-spray sa buong bahay.

Gayundin, ang mga katas ng halaman ay ipapa­hid sa katawan na parang lotion o kaya ay patutuyuin at gagawing insenso.

Alamin ang mga hala­mang ito:

1. Alagaw; 2. Sambong; 3. Oregano; 4. Tanglad; 5. Romero o Domero o Rose­mary; 6. Citronella; 7. Ba­wang; 8. Sibuyas

Good luck and God bless!