Lady cop pinasok sa bahay, pinatay

NADISKUBRE ang bangkay ng pulis na babae ng kanyang kaanak sa loob ng bahay nito sa Bgy. Tejero, San Luis, Batangas.

Pasado alas-10:00 ng umaga nang matagpuan ng kaanak nito ang wala ng buhay na si Elyz Marie Coeli Mirano, 31, PNP-NUP, nakatalaga sa Sta. Teresita, Batangas Municipal Police Station.

Nakahandusay ito sa lapag ng kanyang kusina at duguan. Patuloy ang imbestigasyon ng awtoridad para madakip ang salarin at mabatid ang motibo.