Ayaw makipaghiwalay | BEBOT PINATAY, ITINAPON SA PALAISDAAN

ARESTADO ang isang lalaki matapos aminin na siya ang pumatay sa karelasyon bago itinapon sa palaisdaan sa Valenzuela City.

Kinuha ng mga tauhan ng Valenzuela Police Station sa rehabilitation center sa Mabalacat, Pampanga sa pangunguna ni P/Major Jose Hizon ang suspek na si Godofredo Perdigun, 47, ng Bgy. Pasolo, Valenzuela City na nahaharap sa kasong murder.

Isinagawa ni P/Corporal Ryan Alburo ang extrajudi­cial confession, kaharap ang abogado ng akusado at kina­tawan ng rehabilitation cen­ter. Inamin ng suspek na siya ang pumatay sa pamama­gitan ng pagsaksak sa leeg at kilikili kay Rosalie Mission Sagal, 43, bago isinilid sa plastic bag saka itinapon sa palaisdaan sa Bgy. Pasolo, Valenzuela City noong July 21.

Para itago ang krimen, July 26 nang magtungo sa rehabilitation center sa Pam­panga para ipagamot ang sarili. August 3 nang ma­kita ang labi ng biktima sa natu­rang palaisdaan na kinilala ng kanyang mga kaanak. Si­na­sabing June 20 pa nawa­wala ang biktima.

Ayon sa suspek, kaya niya napatay ang biktima da­hil ayaw umanong maki­pag­hiwalay sa kanya habang si­nabi naman ng kaanak ng babae na tinakot lang ito ni Perdigun kaya sumama ito sa kanya.