Motor swak sa manhole, rider dedbol

PATAY matapos mahu­log sa manhole ang rider na sinasabing lasing habang bu­mabagtas sa kahabaan ng Governor’s Drive, Bgy. San Agustin, Trece Martires City, Cavite, kahapon.

Kinilala ang nasawi na si Christian Luneta, 38, se­curity guard, may asawa, residente ng Bgy. Paradahan 1, Tanza, Cavite.

Sa imbestigasyon ni Pat. John Gregory Bago, alas-12:04 ng hatinggabi, sakay ang biktima sa kanyang mo­tor at bumabagtas sa nasa­bing lugar.

Nabatid na overspeeding umano si Luneta nang ma­walan ito ng kontrol at na­hulog sa manhole na nasa gilid ng kalsada.

Sa tindi ng impact, agad na nasawi ang rider na batay sa teoriya ng pulisya, lasing umano ang rider nang ma­ganap ang insidente.