Construction worker kinatay ng katrabaho

DEAD-ON-ARRIVAL sa ospital ang isang construction worker matapos pagsasaksakin ng kanyang katrabaho sa Bgy. Kinatihan 2, Candelaria, Quezon.

Pasado alas-11:00 ng gabi nang madatnan pang buhay ng kasamahan din sa trabaho ang biktimang si Orlando Consao alyas Orly, 44, may asawa, tubong Bayambang, Pangasinan.

Nakaupo ito sa lapag ng kanilang tinutuluyang bahay habang hawak ang kanyang duguang tiyan at inginuso umano ang suspek na si Fernando Nesus, Jr., tubong GMA, Cavite.

Patraydor umano siya nitong sinaksak matapos magtalo sa hindi pa mabatid na kadahilanan.

Mabilis nitong dinala ang biktima sa ospital ngunit, idineklara itong dead-on-arrival.

Narekober sa crime scene ang patalim na ginamit habang patuloy ang pagtugis sa salarin.