Yes, siya nga, siya nga, iba ang trip niya! BYUTING SINGER-ACTRESS, SANGKATERBANG MAKE-UP ANG BITBI

BLIND ITEM:

NALOLOKAH ang mga kasamahang artista ng magandang singer-actress kapag ito ay may show o concert abroad.

Hindi ang kanyang mga damit, sapatos at bags ang prayoridad niya sa kanyang luggage. Ang dami-dami niyang bitbit na maleta na puro make-up, lotion at iba pa ang laman. Sobrang banidosa ang singer-actress kaya kapag may show o concert siya abroad, ang pinakaimportante sa kanyang bagahe ay ang male-maleta niyang make-up.

Hindi naman niya nagagamit ang lahat ng bitbit niyang pampaganda. Ilan lang ang paborito niya, pero parang security blanket na niya kapag marami siyang dalang make-up ‘pag bumibiyahe.

Kung tutuusin, hindi na kailangan ng singer-actress ang makeup. Natural na siyang maganda lalo na kapag simple lang. Kaya naman kahit medyo may-edad na siya ngayon ay marami pa rin ang naaakit sa kanya.

Nalolokah lang ang mga nakarelasyon noon ng singer-actress kapag nakakasama siya sa mga shows abroad. Mistulang lipat-bahay kasi siya sa dami ng bitbit na maleta ganu’ng ilang araw lang naman siya roon.

Hindi na mabago ng sinumang lalaki ang obsession ng singer-actress sa male-maletang makeup na palagi nitong dala kaya tinanggap na lang ng kanyang karelasyon.