Quiboloy, ginamit pa si Lord makasipsip lang kay Mayor Sara

PABLO L. HERNANDEZ III / PRANGKAHAN

PATI DIYOS, GINAGAMIT NI QUIBOLOY SA KANDIDATURA NG “MANOK” NIYA SA 2022 PRESI­DENTIAL ELECTIONS — Ininterbyu ni Pastor Apollo Quiboloy sa kanyang TV program si Davao City Mayor Sara Duterte-Carpio tungkol sa plano nito sa 2022 Pre­sidential Elections, na tinugon naman ng Presidential Daughter na ipinauubaya na raw niya sa Diyos ang magiging pasya niya.

Nang matapos ang interview, ang sabi ni Quiboloy ay si Mayor Sara na raw ang pinili ng Diyos na maging next president ng ban­sa.

Pambihira, pati Diyos, ginagamit ni Quiboloy para sa kandidatura ng “manok” niya sa 2022 Presidential Elections, tsk-tsk-tsk!

◘◘◘

BANAT NI P-DUTERTE KAY CORY, TOTOO! — Ilang araw matapos ang death anniversary ni ex-Pres. Cory Aquino, binati­kos ito ni P-Duterte dahil nagpairal daw ito ng land reform o pamamahagi ng lupa ng mga asendero sa mga magsasaka, pero hindi raw isinama sa ipinamahagi ang Ha­cienda Luisita ng Pamilya Cojuangco.

Sa banat ni P-Duterte, huwag sanang magalit ang “dilawan” kasi totoo na noong panahon ng administrasyon ni ex-P-Cory, naging exempted ang Hacienda Luisita sa land reform program, period!

◘◘◘

MINSAN, OA NA ANG “POLITI­CAL WILL” NI MAYOR ISKO — Maraming magagandang ginagawa ngayon sa Maynila si Mayor Isko Moreno kaya lang ay may mga pagkakataong OA (overacting) na ang ipinakikita nitong “political will” tulad ng pagsibak niya sa precinct commander ng Plaza Lawton PCP dahil lang na­katapak siya ng ebak sa Bonifacio Shrine at pagsibak sa precinct commander ng Plaza Miranda PCP dahil may mga ba­sura raw sa nasasakupan nitong lugar sa Car­riedo.

Dapat itanim ni Mayor Isko sa kanyang isipan na ang mga pulis ay pang-anti-cri­minality at hindi sila mga janitor para magli­nis ng mga ebak at basura sa Maynila, period!

◘◘◘

CHR, TIYAK NA MAGNGANGA­NGAWA KASI PATI ANG MGA BUM­BERO, INUTUSAN NA RIN NI P-DU­TERTE NA PUMATAY NG TAO — Sabi ni P-Duterte, paiisyuhan na rin niya ng baril ang mga bumbero para raw hindi lang sunog ang pinapatay ng mga ito kundi pati ang mga tao.

Dahil sa statement ni P-Duterte, asahan nang magngangangawa na naman ang Commission on Human Rights (CHR) kasi pati ang mga bumbero, inuutusan nang pu­matay ng tao, boom!