Panahon na para magbago, besh... PANAGINIP NG KINUKONSENSIYA NA NI LORD
Salaminin natin ang panaginip ni Edmar ng Edmar_Miralpes@facebook. com
Dear Professor,
Nanaginip ako noong July 21 ng madaling-araw, siguro around 3am to 4am, kasi natulog ako ng 1 am.
Habang naglalakad ako sa diretsong daan patungo sa highway o daanan ng mga sasakyan, may sumita sa akin na lalaki, medyo malaki ang katawan, may taas na 5’4" medyo matangkad lang sa akin, tapos, may kaitiman siya, naka-red t-shirt at dark green na short na 6 pocket, ang edad ay halos kapareho lang din ng edad kong 25.
Binato niya ako ng dalawang beses, mahina lang naman pero, ramdam ko ‘yung pagkabato niya sa likod ko, ‘yung ibinato niya sa akin ay kulay dilaw na hugis-domino. Pagkatapos, tumigil din siya nang bigla akong lumapit sa kanya, tapos, tinanong ko siya kung ano ang problema niya pero, hindi niya ako sinagot.
Tapos, napaupo na lang siya sa tabi, nagpatuloy ako sa pagsasalita at ang naalala ko na lang ay ‘yung sinabi niyang “sa tingin mo ba matutuwa ang Diyos sa mga ginagawa mo?”
Sana, matulungan ninyo ako, baka may ibang mensahe ang panaginip na ‘yan dahil hindi ko sigurado kung makabubuti o makasasama para sa akin?
Maraming salamat!
Naghihintay,
Edmar
Sa iyo Edmar,
Ang bumato sa iyo, iho, ay si Lord mismo. Ang mensahe niya ay ‘yung mismong nasa panaginip mo na sa palagay mo ba ay matutuwa ang Diyos sa iyo?
Dahil dito, mas magandang salaminin mo ang iyong buhay at kung may makikita ka na dapat gawin para matuwa sa iyo ang Diyos, gawin mo ito.
Muli, isagawa mo ang self-reflection kung kailan susuriin mo ang iyong sarili nang sa gayun ay hindi ka magkasala sa nasa itaas.
Hanggang sa muli,
Professor Seigusmundo del Mundo
Comments