Lotto balik na, mga korup sa PCSO, tuloy ang ligaya!
TUMINDI pa ang epidemya ng dengue.
Dengvaxia, ipinababalik!
◘◘◘
IDEDEKLARA ang Martial Law sa Negros.
Nakupo!
◘◘◘
APRUB kay P-Digong ang prangkisa ng solar power service ng anak ni Antique Rep. Loren Legarda.
Ibig sabihin, sila lang ang puwedeng magnegosyo ng solar panel?
◘◘◘
HINDI pa ibinubunyag ang mga kawatan sa PCSO.
Eh, bakit?
◘◘◘
KAHIT ang mga kawatan sa Customs ay patuloy ang pagpupuslit.
Malabong masugpo ang ismagling tulad ng gambling at illegal drugs!
◘◘◘
KORUPSIYON ang ugat ng katiwalian sa pamahalaan.
Bigo ang Konstitusyon na masawata ito!
◘◘◘
HINDI nalalayo ‘yan sa kontraktuwalisasyon.
Kahit si P-Digong, suko sa mga bigtime businessman!
◘◘◘
PAANO na ang hanay ng mga manggagawa?
Mananatili ba silang umaasa sa mga makakaliwang grupo para ipakipaglaban ang kanilang karapatan?
◘◘◘
ANG gobyerno ang dapat sandalan ng mga obrero at hindi ang mga rebelde.
Dapat proteksiyunan ng gobyerno ang karapatan ng mga obrero!
◘◘◘
KAPAG bigo ang gobyerno na protektahan ang mga manggagawa, hihina ang gulugod nito.
Ang mahinang gulugod ng pamahalaan ay oportunidad ng mga rebelde na palakasin ang kanilang hanay!
◘◘◘
HINDI mareresolba ang insureksiyon dahil aminado ang gobyerno na hindi mapipigil ang korupsiyon.
Aminado rin ang gobyerno na hindi matatanggal ang “end of contract”.
Kaawa-awang mga manggagawa!
Comments