Dahil pumasok na ang Agosto... MGA BAGAY NA EPEKTIBONG GAMITIN PARA MAIWASAN ANG KAMALASAN

Sr. Socrates Magnus II

“The Ghost Month/Ang Buwan ng mga Multo III”

Marami ang nag-aalala sa masamang epekto ng Ghost Month ngayong August. Ang mga balita ay nakiki­tang nakatuon sa mga nega­tibong pangyayari na lalong nagiging dahilan ng takot at pangamba ng bawat isa.

Hindi natin basta-basta masisisi ang ating mga ka­babayan dahil likas talaga sa mga Pinoy ang mapaniwala sa mga pamahiin.

Ang iba, kahit hindi na­niniwala nang lubusan ay nag-iingat na rin dahil mas maganda ang mag-ingat kay­sa sa magsisi.

Narito ang ilang epekti­bong paraan para ang mga kinatatakutang kamalasan ay maiwasan:

1. Sa pagtulog, maglagay ng mga halaman na may mga amoy tulad ng oregano, sam­bong, alagaw at iba pa sa ila­lim ng kama, pintuan at bin­tana.

2. Maganda rin na mag­sabit ng dinikdik na bawang sa pinto at bintana.

3. Bukod sa pagsa-Sign of the Cross, hinihikayat ang lahat na bago umalis ng bahay ay hawakan o salatin ang mga banal na imahen sa altar.

4. Ipinapayo ring mag­lagay ng ilang dahon ng laurel sa pitaka, bag o bulsa. Hindi lamang ito pan­laban sa ma­sasamang espiritu, ang laurel din ay mabisang lucky charm o pampasuwerte.

5. Ipinaaalala rin na ang tu­big na pampaligo ay ­ha­lu­an ng kaunting butil ng asin.

6. Inirerekomenda rin na gumamit ng patis sa pag­kain.

7. Ang ilalim ng talampa­kan ay pahiran ng abo.

8. Umiwas sa paglalakad kung saan ang mga tao ay sik­sikan o nagkakabanggaan.

9. Iwasan din ang mada­las na pagtingin sa ibaba o sa lupa.

10. Maganda kung ang isusuot na damit ay kulay pula o may pula.

11. Mas lalong mainam na magsuot ng may maki­kislap na bagay.

12. Iwasan ang pagsu­suot o paggamit ng mga luma at kupas na mga bagay.

13. Ang mga matagal na sa taguan na mga gamit ay huwag mo ng gamitin, kabi­lang dito ang mga alahas o bagay na namana mo sa iyong mga magulang o kahit na sino.

14. Magsuot ng banal na bagay tulad ng bracelet na ro­saryo o mga medalyong apru­bado ng Simbahan.

15. Kung magagawa, maganda ring pumasok ka­hit sandali sa Simbahan o templo.

16. Alisin ang galit sa katawan, maging mapag­patawad sa mga gumawa sa iyo ng pagkakamali at kasa­lanan.

17. Hindi maganda na habang kumakain ay masa­ma ang loob.

Ngayong Agosto ay ma­higpit na inire­re­komenda na tayong lahat ay mabuhay sa pag-ibig.

Good luck and God bless!