Love scene nila, pinabawasan daw… SIGAW NI KRIS: IBAHIN N'YO KO SA IBANG BABAE, 'DI AKO ATA

Vinia Vivar / FRANKLY SPEAK

TULOY na tuloy na si Kris Aquino sa Metro Manila Film Festival 2019 movie na K(Ampon) na produced ng Quantum Films. Ito ang kinumpirma ng comebacking horror actress sa kanyang YouTube vlog recently. In fact, magsisimula na siyang mag-shooting pagbalik ng ‘Pinas.

Sa kasalukuyan kasi ay nasa Japan na naman si Kris kasama ang kanyang dalawang anak na sina Joshua and Bimby. Bago umalis ay ibinalita niya sa kanyang vlog sa YouTube na sa Aug. 8 ay magkaka­roon na sila ng look test for K(Ampon) at start na ng shooting on Aug. 13.

Matatandaang medyo nagdalawang-isip si Kris na ituloy ang movie after the MMFF Magic 4 announcement dahil sa kanyang health condition and schedule.

Pero ngayon daw ay naayos na ang schedule niya kaya okay na okay na siyang gawin ang movie.

“Aug. 13 ang start ng shooting and tuluy-tuloy na ‘yan. I know that totally blocked off ang schedule from Aug. 29 all the way to Oct. 7. It’s really blocked off for K(Ampon),” pahayag ni Kris sa kanyang vlog habang nasa Ninoy Aquino International Airport sila patungong Japan.

Ang bakasyong dapat sa US na ipinangako niya sa mga anak na sina Joshua at Bimby ay nauwi sa Japan dahil nag-expire na raw ang US visa ng dalawa at natagalan bago ma-renew.

“So, I got my way, we’re going back to Japan, my favorite place and we’re going there for the next 9 nights, 10 days. So, and then, pagbalik dito, it’s work, work, work.

“So, this is their time, it’s my time to be a mom and it’s my time for them.”

Thankful siya sa dalawang anak dahil pinayagan daw siya to do the MMFF film na may love scene.

“Nag-permission talaga ako, ‘Are you allowing Mama to do the movie because the movie is horror and there is a love scene?’” sey ni Tetay.

Narinig ito ni Bimby at parang gulat na gulat sa sinabi ni Kris.

“Not you,” ang sabi ni Bimby.

“Me, because I’m gonna have a baby (in the movie). How do you have a baby if there’s no love scene?” sagot ni Kris.

Pumayag naman si Bimby, pero may kapalit daw ito na 20 games ng Xbox.

“‘Coz he said naman, ‘Mama, we’re in the Philippines, what kind of love scene is that really gonna be?’ and I said, ‘True naman,’ and he said, ‘And you have endorsements and I really doubt if they’re gonna show anything and what are you really gonna show, you’re all bones?’ And I said, ‘That’s true,’” sey pa ni Kris.

Ang nangyari raw ay pinabawasan na lang nila ang love scenes sa movie.

“So, abangan n’yo po. Actually, kinabahan ako, kasi ipina-tone down ko. It kinda helps na ‘yung management company that’s taking care of me which is Cornerstone is also the owner of Spring Films which is co-producing K(Ampon) with Quantum, so medyo nasabihan sila na kung puwedeng hindi ganu’n ka. . .

“Kasi, the way it was written, I think, that’s not bagay for me. But I think, all other girls will say, ‘Kung ako ‘yun, I’d go for it because si Derek Ramsay naman ‘yung ka-love scene,’ pero sorry po, iba naman ako,” pahayag ni Kris.

So, kumpirmado nang tuloy din si Derek sa movie dahil nabalita nga ring baka hindi na gawin ng aktor ang pelikula dahil conflict sa schedule.

Ayon pa kay Kris, excited na siya sa pelikula dahil ito ang pagbabalik niya sa horror after 5 years and part pa ng MMFF.

Sa bandang huli ng video ay nagbigay ng bagong kondisyon si Bimby na kapag may kissing scene pa, that’s another 5 games na kapalit for every kiss.

“That’s the rate,” sabi ni Bimby.

Pumayag naman si Kris sa bagong kondisyon ni Bimby kaya push na raw talaga ang K(Ampon).