Kasama ang asawa sa restoran | NEGOSYANTE BINARIL SA ULO, DEDBOL
- Levi Gonzales
- Aug 1, 2019
- 1 min read
DEDBOL ang isang negosyante makaraang barilin sa loob ng restoran sa Bgy. Balibago, Lian, Batangas.
Kinilala ang biktima na si Florencio Gonzales alyas Pogi.
Ala-1:30 ng hapon, habang nasa loob ng Fhe and Len Restaurant ang biktima kasama ang kanyang asawa nang pumasok ang nag-iisang suspek.
Mabilis siyang binaril nang harapan saka tumakas sakay ng nag-aabang na Toyota Innova.
Dead-on-the-spot ang biktima sanhi ng tinamong tama ng bala ng baril sa ulo at katawan habang patuloy ang isinasagawang pagtugis sa mga salarin.
Pinag-aaralan pa ng pulisya ang motibo sa krimen at nasa likod ng pagpatay sa biktima.
Comments