Ganern, Ellen?! ANGELICA, SI JOHN LLOYD ANG 'DI MAKALIMUTAN SA LAHAT NG EX-BF

Anj Cabilla / PAK ANG GANAP

NAGPAKATOTOO naman ang ak­tres na si Angelica Panganiban nang matanong sa vlog ng kaibigan niyang si Patty Yap tungkol sa past relation­ships niya.

Hindi rin nakalusot si Angelica na sagutin kung sino sa mga ex niya ang naiisip pa niya hanggang ngayon.

Aniya, “Si John Lloyd (Cruz), kasi siya ‘yung pinakahuli.”

Dagdag pa niya, “Parang mas fresh kasi ‘yung memories mo doon. Pero hindi na siya naaalala na, ‘Oh, my God!’ gusto mong mamatay. Naalala mo lang na, ‘Ay, kumain ako dito, ka­sama ko nga noon si Lloydie,’ parang ganu’n.”

Sa tanong kung naiisip pa ba niya si Lloydie tuwing gabi bago siya ma­tulog, aniya, “Ay, hindi, hindi na ako nakakaalala ng ganu’n pa. Hindi ako nakakaisip ng ex sa gabi.”

Samantala, pare­ho nang masaya ngayon ang love life ng dalawa. Si John Lloyd Cruz ay haping-hapi sa piling ngayon ni Ellen Adar­na, kung saan meron na silang baby na nag­diwang ng 1st birthday noong June.

Si Angelica naman ay mukhang may bago na ring pag-ibig sa katauhan ni Cholo Barretto.