Sa mga mall, hotel, ospital, iskul etc. libreng parking

ISINUSULONG na malibre na ang parking fee ng mga nagtutungo sa mall, hotel, ospital, eskuwelahan at iba pang katulad na estab­lisimyento.

Nilalayon ng House Bill 506 ni Surigao del Norte Rep. Robert Ace Barbers na ma­tigil ang labis o hindi na ma­katwirang parking fees sa pamamagitan ng pag-regulate nito.

Sa ilalim ng panukala, kung ang kustomer ng shop­ping mall, restoran, tinda­han at katulad na establisim­yento ay makapagprisinta ng pruweba o resibo na may binili o transaksiyong hindi bababa sa P500 ang halaga, dapat ay waived o hindi na sisingilin ng parking fee.

Gayunman, kung gaga­mit naman ng parking space hanggang tatlong oras, pu­wedeng masingil na ng stan­dard rate.

Hindi naman hihigit sa P100 ang dapat singilin kung ang kustomer ay pumarada ng hanggang 8 oras at ka­ragdagang P10 lang sa bawat oras kung sosobra na.

Ang overnight parking na­man ay hanggang P200 lang.

Para naman sa mga bisita at pasyente ng ospital, hindi dapat masingil ng parking fee kung makapagpapakita ng patunay na mayroon itong ginawang lehitimong tran­sak­siyon.

Kung ang may-ari ng mga establisimyento ay ma­niningil ng parking fee, baba­wiin ang waiver sa liability sakaling may mawala o ma­pinsala sa sasakyan.

Ang sinumang lalabag ay maaaring magmulta ng hindi bababa sa P150,000 kada kustomer na nasingil ng labis na parking fee o pag­kakapiit ng isa hanggang tat­long taon.