Panahon na raw para sa pag-ibig, sis! nanaginip na 'di takot sa ahas; puwede ng mag-BF

Socrates Magnus

Salaminin natin ang panaginip ni Elena ng Elena_Joson@facebook. com

Dear Professor,

Napanaginipan ko ang ahas, hinahabol ko ito at gusto ko raw pata­yin. Pero, nagpunta ito sa likod ko at hindi raw ako nata­kot.

Ano ang ibig sabihin nito?

Naghihintay,

Elena

Sa iyo Elena,

Kapag napanagini­pan ang ahas, ang nanagi­nip ay matured na. Ibig sabihin, hin­di na siya dala­gita o bagong dalaga. Ni­lagyan natin ng salitang “bago” da­hil ang mga na­kapanaginip ng ahas ay mga babae na may edad na.

Ibig sabihin, sila ang mga dalaga o babae na pi­napayuhang magmahal, ‘yung tipong malalim na pagmamahal.

Puwede na silang ma­ki­pagrelasyon na maiha­ham­bing sa relasyon ng mag-asawa.

Sa ganitong katotoha­nan, ang payo para sa iyo ay kalimutan mo muna ang buhay ng dalaga na takot nang pumasok sa malalim na pakikipagrelasyon.

Kailangan mong ma­tang­gap na ang buhay ng mga babae ay mula sa pa­gi­ging musmos na bata, ma­giging dalagita, pagka­tapos ay ganap na dalaga at ang kasunod ay magi­ging ganap na siyang ba­bae.

Kapag hindi nangyari ang nasabing mga parte ng buhay ng babae, siya ay ma­ka­raramdam ng ma­lalim na kalungkutan na maaaring magresulta sa pagkakaroon niya ng mga karamdamang kahit ang doktor ay hindi alam kung ano ang sakit niya.

Kaya, ikonsidera mo ang pagpasok sa relas­yong malalim at seryoso­han.

Hu­wag kang mag-alala dahil sa panahon ngayon, ang pag-a­asawa ay nagsi­simula muna sa magaan na relas­yon bago ipakita sa mga tao na sila ay nag­tuturingang mag-asawa na.

Ito ang katotohanan, kaya muli, ikonsidera mo ang nasabing payo.

Hanggang sa muli,

Professor Seigusmundo del Mundo