Matitigas ang ulo — Digong | Iskuwater, itapon sa Spratlys

IKINUKONSIDERA ni Pangulong Rodrigo Duterte na itapon sa Spratly Islands ang mga informal settler na matitigas ang ulo upang magsilbing bantay sa ating mga teritoryo sa West Philippine Sea (WPS).

Ginawa ng pangulo ang panukala bilang biro makaraang aminin na problema ng gobyerno ang mga informal setter na bumabalik pa rin kahit may relokasyon na. “‘Yung sinabi ko sa ‘yo, Del, na ‘yung maliliit d’yan sa Spratlys, kinuha ba natin? D’yan ko ilagay ‘yung… d’yan ko ilagay ‘yung mga squatter na matitigas ang ulo. ‘Yung sira ‘yung una tapos babalik na naman. I’ll put the stubborn squatters there, those who keep returning to the area,” sabi ni P-Duterte sa post-disaster briefing kasama ang mga lokal na opisyal sa Batanes, kamakalawa.

“Magagalit si Cimatu n’yan. Hindi niya malinis ‘yang…,” ani P-Duterte tungkol kay Environment Sec. Roy Cimatu na naglunsad ng massive clean-up at rehabilitasyon sa Manila Bay at iba pang tourist destinations sa bansa.

“I am really not in the mood of just giving our territory because of what happened in this West Philippine Sea. Nahihirapan tayo ngayon d’yan,” diin ng Punong Ehekutibo. “We are supposed to preserve the Republic of the Philippines. And whatever is ours it should be the — it should be very clear to everybody that it is ours,” dag­dag pa ng pangulo.