Kelot nagbigti sa trabaho

PATAY na nang matag­puan ang bakery helper makaraang magbigti sa bahay ng kanyang amo sa Sta. Mesa, Manila.

Kinilala ni PSSgt. Jorlan Taluban, ang nasawi na si ‘Dado’, 23, stay-in helper.

Alas-9:20 ng umaga nang madiskubre nina Joey Cayote, 40, baker, Roberto Rubenia, 54, maintenance, at Danilo Buenaventura, 35, ang nakabigting biktima gamit ang nylon cord.

Huli umanong naki­tang buhay ni Alberto Villarama, kasamahan sa bakery, ang biktima alas-6:00 ng umaga nang pumasok ito sa comfort room.

Wala namang sinasa­bing problema ang biktima sa kanyang mga kasamahan kaya hindi nila alam ang sanhi ng pagpapakamatay nito.

Tanging ang kamag-anak nito na delivery boy na palagi niyang ka­ku­wentuhan ang posib­leng nakaaalam pero, wala ito nang maganap ang pag­papakamatay ng bik­tima.