60-day ultimatum ng DILG | clearing operations sa LGU, umarangkada

NAGLUNSAD ang lokal na pamahalaan ng Ta­guig ng mas pinaigting na clearing operations sa mga nakaharang sa kalye tulad ng mga iligal na istruktura, tin­dahan at nakaparadang sa­sakyan.

Pinangunahan ito ng Traffic Management Office, Public Order and Safety Office, Market Management Office, Business Permits and Licensing Office, General Services Office, Solid Waste Management Office, City Engineering Office, Public Transport Office at Baran­gay Affairs Offices kasama ang Philippine National Po­lice at ang Metropolitan Ma­nila Development Authority.

Isinagawa ang mga ope­rasyon alinsunod sa pinir­mahang Executive Order ni Mayor Lino Cayetano kung saan iniutos sa mga departa­mento na masiguro ang pe­des­trian at vehicular mobility at access sa mga serbisyo-publiko gamit ang mga pam­publikong daanan at kapare­hong imprastraktura upang masiguro ang seguridad ng publiko.

Matatandaang, sa ika­apat na State of the Nation Address (SONA), inutusan ni Pangulong Rodrigo Du­terte ang lahat ng lokal na pa­mahalaan na bawiin ang public roads. Inatasan naman ng De­partment of the Interior and Local Government (DILG) ang mga Local Government Unit (LGU) na kumple­tuhin ang nasabing kautusan sa loob ng 60 araw. (BRT)