Maglola, dedbol sa kotse

PATAY ang 83-anyos na lola at kanyang apo makara­ang masagasaan ng kotse sa Minglanilla, Cebu.

Kinilala ang maglola na si Rufina Cuda at 18-anyos na si Bea Lyka Cuda.

Ayon kay Police Master Sergeant Junyl Aber, dead-on-the-spot si Rufina ha­bang sa ospital naman binawian ng buhay si Bea Lyka sanhi ng grabeng pinsala sa kani-kanilang katawan.

Naganap ang insidente sa bahagi ng national highway sa Bgy. Poblacion Ward Dos pasado ala-1:00 ng mada­ling-araw kahapon.

Lulan ang mga biktima sa tricycle patungo sa Cebu City nang salpukin ng kotse mula sa kanilang likuran.

Malubha namang na­sugatan ang 34-anyos na driver na si Ronito Bacalso matapos tumilapon.

Patuloy pang inaalam ang pagkakakilanlan ng dri­ver ng kotse na nakasagasa sa mga biktima.